今日真係很激氣，最近都唔知係咪犯小人，返工成日都遇到D衰人，唔係態度差，就係冇品；唔係爛撻撻，就係一開口就罵。

我自問工作都叫做盡力，唔會偷懶，最多有時因為仲係新手，唔係咁熟，可能會慢D，但係都會比心機做吖！偏偏就遇到D衰嘢！

好似今日咁，一個自命係專業人士的人，打電話嚟問嘢，但態度就其差，根本就唔係問我嘢，而係吩咐我做嘢，仲好似係打電話嚟大家有商有量咁，等我同佢解釋可行的辦法時，佢又話我浪費她的時間，又話好了解我們的運作。

我想：如果你係咁熟悉，就唔好打電話來問啦！你做嘢以時間計算，咁我在電話的另一旁聽，都係做嘢啫，你都係用緊我的時間.....自己脾氣唔好就找人來發洩，你估淨係你先至做嘢咩！淨係你先至有時間？

仲話係專業人士，真係不知所謂呀！讀咁多書，冇品又冇禮貌，你估你靠把口搵食，就可以處處找人出氣咩！真係好鬼嬲呀！

礙於自己的工作崗位關係，我根本就唔可以反駁，仲要對佢唔該前，唔該後，等佢仲以前自己好啱，真係激氣！唔通我EQ其低？

真係好想學D道行高的人咁，凡事都可以心平氣和，一笑置之，但係今日我真係做唔到！